अमरगढी– डडेल्धुराको भागेश्वर गाउँपालिका–४ मा जिप दुर्घटना हुँदा १ जनाको मृत्यु भएको छ ।
जिल्लाको देवलदिब्यपुरबाट सदरमुकाम अमरगढीतर्फ आउँदै गरेको म १ ज २१० नम्बरको जीप भागेश्वरको सेसागाडमा दुर्घटना भएको जिल्ला प्रहरी कार्यालय डडेल्धुराले जनाएको छ ।
प्रहरीका अनुसार जिप दुर्घटनामा बैतडीको पाटन नगरपालिका–७ घर भएकी ६३ वर्षीया मानमती देवी चन्दको मृत्यु भएको हो ।
करिब १६ जना यात्रु सवार जीप कच्ची बाटोको घुम्तीमा मोडिने क्रममा पल्टिएको प्रहरीले जनाएको छ । जिप दुर्घटनामा अन्य २ जना घाइते भएका छन् ।
घाइतेहरुको उपचारका लागि सदरमुकामस्थित डडेल्धुरा अस्पताल ल्याइँदै गरेको प्रहरीले जनाएको छ ।
प्रतिक्रिया