काठमाडौं– मंगलबार शेयर बजारमा उछाल आएको छ । आज नेपाल स्टक एक्सचेन्ज (नेप्से) ११४.७० अंकले बढेर बजारमा उछाल आएको हो । नेप्से ४.५७ प्रतिशतले बढेर २६२३.५६ विन्दुमा पुगेको छ । 

आज कारोबारमा पनि रौनक देखिएको छ । ७ अर्ब ६१ करोड ६५ लाख २२ हजार रुपैयाँ बराबरको कारोबार भएको हो । १ करोड ७५ लाख ७ हजार ५५५ कित्ता शेयर किनबेच भएको छ । 

मंगलबार २४३ वटा कम्पनीको शेयर मूल्य बढेको छ भने १ वटा कम्पनीको शेयर मूल्य घटेको छ । १ वटा कम्पनीको शेयर मूल्य भने स्थिर रहेको छ । आज ३०७ वटा कम्पनीको कारोबार भएको छ । मंगलबार ९६ हजार ९०६ पटक शेयर किनबेच भएको छ । मंगलबार ३६ वटा कम्पनीको शेयर मूल्यमा सकारात्मक सर्किट लागेको छ । 

आज समूहमध्ये सबै समूहमा हरियाली देखिएको छ । आज सबैभन्दा बढी फाइनान्स समूह ९.७४ प्रतिशतले बढेर ३ हजार १०१.५३ विन्दुमा पुगेको छ । आज सबैभन्दा कम म्युचुअल फण्ड समूह १.६६ प्रतिशतले बढेर २०.६८ विन्दुमा पुगेको छ । 

त्यस्तै वाणिज्य बैंक समूह ३.८२ प्रतिशतले, विकास बैंक ५.४८ प्रतिशतले, होटल एण्ड टुरिजम ५.९७ प्रतिशतले, हाइड्रोपावर ५.९८ प्रतिशतले, लगानी ६.१० प्रतिशतले, जीवन बीमा ४.१२ प्रतिशतले, उत्पादन तथा प्रशोधन २.१९ प्रतिशतले, लघुवित्त ३.९८ प्रतिशतले, निर्जीवन बीमा ३.०९ प्रतिशतले, अन्य समूह ४.६७ प्रतिशतले र ट्रेडिङ समूह ३.९९ प्रतिशतले बढेको छ ।