अमेरिका – गायिका माइली साइरसले आफ्ना पति लियाम हेम्सवर्थलाई डिभोर्स दिइन् । डिभोर्स दिएपछि पछिल्लो समय उनी एक्लिएकी छिन् ।

केही विदेशी मिडियाले माइली आजभोलि घरपालुवा जनावरसँग नजिकिएको बताएका छन् । मिरर डट को डट युकेका अनुसार ‘पार्टी इन द युएस’ की गायिकाले पछिल्लो वर्ष क्यालिफोर्नियाको जंगलमा आगो लाग्दा घरमा पालेका १६ जनावरलाई मेम्सवर्थले बचाएपछि उनको तारिफ गरेकी थिइन् ।

हेम्सवर्थ र साइसरका घरमा ७ वटा कुकुर, २ घोडा, २ साना घोडा, ३ बिरालो र २ वटा सुँगुर थिए । खबरका अनुसार डिभोर्सपछि माइलीले ती जनावर आफूसँग राख्नेछिन् ।

समाचारका अनुसार पूर्वपति हेम्सवर्थ ती जनावरका लागि कोर्टमा मुद्दा लड्न चाहन्थे । उनले क्यालिफोर्नियाको कानूनअनुसार यसो गर्न सक्ने अवसर थियो। पछि उनलाई महसूस भयो कि, यो कुनै प्रतियोगिता हैन । त्यसैले पनि साइरसले ती जनावर आफ्नै घरमा राखिन् ।

हेम्सवर्थले लगभग एक दशकसम्म डेटिङ गरेर माइलीसँग बिहे गरेका थिए । तर ८ महिनापछि यी दुईले डिभोर्स गरेका थिए ।