एजेन्सी– केही समय अघि अभिनयसँगै राजनीतिमा होमिएकी बलिउड अभिनेत्री अर्शी खानले आफू राजनीतिबाट अलग्गिएको बताएकी छिन् ।

भारतको लोकसभा चुनावमा राजनीतिमा निकै कशरत गरेकी अर्शीले अहिले आएर अभिनेता तथा अभिनेत्रीहरुका लागि राजनीति नसुहाउने बताएकी छिन् ।

उनले भारतीय राष्ट्रिय कंग्रेसमा प्रवेश गरेको ६ महिनामै राजनीति छाडेको घोषणा गरेकी हुन्। ‘स्टेजमा नाच्नु पर्ने, ठुम्का लगाउनुपर्ने, बिकनी लगाउनु पर्ने मान्छेलाई राजनीति नसुहाउने रैछ ।’ एक फिल्म सुटिङको क्रममा उनले भनिन्, ‘यो जीवनशैली कलकारका लागि सही रैन’छ। यसकारण मैले राजनीति छाडेँ।’

उनले भारतीय प्रधानमन्त्री नरेद्र मोदीले गरेको कामप्रति आफू खुशी रहेको बताउँदै घारा ३७० को हटाउनु देशको हितमा रहेको प्रतिक्रिया दिएकी छन्। अभिनेत्री खान यतिबेला सन्दीप कुमारको फिल्म ‘रहम दिल कातिल’ को सुटिङमा व्यस्त छिन्।