काठमाडौँ– अमेरिका प्रवेश गर्न चाहने चिनियाँ अवैध आप्रवासीको सङ्ख्या बढ्दै गएको पाइएको छ । पछिल्लो १८ महिनामा मात्रै अमेरिकी सीमाबाट ५५ हजारभन्दा धेरै अवैध चिनियाँ आप्रवासी पक्राउ परिसकेका छन् । गत डिसेम्बर महिनामा मात्रै ६ हजारभन्दा धेरै अवैध चिनियाँ आप्रवासीलाई अमेरिकी सीमा प्रहरीले पक्राउ गरेको छ ।

चिनियाँ राष्ट्रपति सी जिन्पिङले मुलुकमा कठोर शासन चलाइरहेकाले त्यहाँबाट मानिसहरू पलायन भएको हुनसक्ने आँकलन गरिएको छ । 

विश्वको दोस्रो धेरै जनसङ्ख्या रहेको चीनबाट ठूलो सङ्ख्यामा मानिसहरू अमेरिका प्रवेश गर्दा त्यसले अमेरिकी समाज र अर्थतन्त्रमा निम्त्याउने जोखिमप्रति विज्ञहरूले चिन्ता व्यक्त गरेका छन् । युरोपियन टाइम्सका अनुसार चीनमा हाल बेरोजगारी दरमा पनि वृद्धि भइरहेको छ । 

यस्तो अवस्थामा चीनबाट मानिसहरू अवैध रुपमा अन्य मुलुक जाने क्रम बढ्नसक्ने चिन्ता व्यक्त गरिएको छ ।