काठमाडौं- नेकपा प्रदेश २ का अध्यक्ष प्रभु साहको राजीनामा अस्वीकृत काठमाडौ। नेपाल कम्युनिष्ट पार्टी (नेकपा) प्रदेश नम्बर २ का अध्यक्ष प्रभु साहको राजीनामा अस्वीकृत भएको छ ।

सोमबार अध्यक्ष पुष्पकमल दाहाल ‘प्रचण्ड’ को अध्यक्षतामा बसेको नेकपा सचिवालयको बैठकले अध्यक्ष साहको राजीनामा अस्वीकृत गरेको हो । महासचिव विष्णु पौडेलले अध्यक्ष साहको राजीनामा अस्वीकृत भएको पुष्टि गरे । महासचिव पौडेलले भने, “प्रभुजीले उठाउनुभएको विषयप्रति पार्टी गम्भीर छ । पार्टी एकता टुंगो लगाउने अभियानमा उहाँको भुमिका महत्वपूर्ण छ र पार्टी चाहन्छ कि उहाँ काममा फर्किनुपर्छ । तसर्थ पार्टीले उहाँको राजीनामा अस्वीकृत गरेको छ।”

पार्टी नेतृत्वबाट असहयोग भएको भन्दै अध्यक्ष साहले प्रदेश अध्यक्ष पदबाट राजीनामा दिएका थिए । पार्टी नेतृत्वबाट निरन्तर गलत निर्णय गरि आफुलाई असहयोग गरेको अध्यक्ष साहको गुनासो थियो ।