काठमाडौं– सोमबार नेपाल स्टक एक्सचेञ्ज (नेप्से) मा भारी अंकको गिरावट आएको छ । सोमबार नेप्से ५७.०३ अंकले घटेर २५८०.७६ विन्दुमा पुगेको हो । 

नेप्से घट्दा कारोबार पनि घटेको छ । आइतबार १० अर्बको कारोबार हुँदा सोमबार ७ अर्ब ३६ करोड २० लाख रुपैयाँ बराबरको कारोबार भएको छ । 

आज प्रि–ओपन सेसनमा करिब २ अंकले घटेर सुरु भएको बजार खुलेदेखि निरन्तर ओरालो लागेको थियो । दिनभरमा बजार ६ पटक उकालो लाग्न खोजेको भएपनि बजार भने बढ्न सकेन । बजार निकै अंकले् घट्दा पनि अन्तिम २ मिनेटमा केही करेक्सन आएकाले बजार ५७ अंकको गिरावट मात्र भयो । अंकको

बजार घट्दा १ करोड ७० लाख ६१ हजार ८०७ कित्ता शेयर किनबेच भएको छ । जसमा १४ वटा कम्पनीको शेयर मूल्य बढेको छ भने २२७ वटा कम्पनीको शेयर मूल्य घटेको छ । ३ वटा कम्पनीको शेयर मूल्य भने स्थिर रहेको छ । 

आज ३१२ वटा कम्पनीको शेयर कारोबार हुँदा ९२ हजार ८१५ पटक शेयर कारोबार भएको छ । आज ३ वटा कम्पनीको शेयर मूल्यमा सकारात्मक सर्किट लागको छ भने २ वटा कम्पनीको शेयर मूल्यमा नकारात्मक सर्किट लागेको छ । 

आज १३ वटा समूहमध्ये सबै समूह राताम्य भएको छ । आज सबैभन्दा बढी फाइनान्स समूह ५.६६ प्रतिशतले घटेर ३ हजार १०९३.५२ विन्दुमा आएको छ । आज सबैभन्दा कम म्युचुअल फण्ड समूह १.१७ प्रतिशतले घटेर २१.१७ विन्दुमा आएको छ । 

त्यस्तै बैंकिङ समूह १.५९ प्रतिशतले, विकास बैंक २.७२ प्रतिशतले, होटल एण्ड टुरिजम २.७९ प्रतिशतले, हाइड्रोपावर २.२८ प्रतिशतले, लगानी समूह २.५३ प्रतिशतले, जीवन बीमा १.९१ प्रतिशतले, उत्पादन तथा प्रशोधन १.७१ प्रतिशतले, लघुवित्त २.४३ प्रतिशतले, निर्जीवन बीमा १.९१ प्रतिशतले, अन्य समूह २.३३ प्रतिशतले र ट्रेडिङ समूह २.७६ प्रतिशतले घटेको छ ।