काठमाडौं – पाकिस्तानको बलोचिस्तान प्रान्तमा खाना पकाउने ग्यासको अभाव देखिएको छ । ग्यासको आपूर्तिमा समस्या भएपछि अभाव भएको हो ।

बलोचिस्तानका ५ जिल्लामा ग्यासको अभाव देखिएको पाकिस्तानको एआरवाई न्यूजले जनाएको छ । ग्यासको अभाव हुँदा ग्राहकहरुको लामो लाम देखिएको छ । यसबाहेक व्यापारीहरुले ग्यासको मूल्य पनि बढाएर बेच्न थालेका छन् ।

हालैका महिनामा मूल्य ह्वात्तै बढेका बेला ग्यासको अभाव पनि देखिएको हो । पछिल्लो समय सरकारले ग्यासको भाउ प्रतिकिलो ६० रुपैयाँबाट बढाएर ८० रुपैयाँ पु¥याएको थियो । पाकिस्तानमा आर्थिक समस्या अझ विकराल बन्दै जाँदा ग्यासको आपूर्तिमा समस्या देखा परेको हो ।

पाकिस्तानमा ऊर्जा आपूर्तिको ठूलो हिस्सा प्राकृतिक ग्यासले धान्दै आएको छ । ग्यास आपूर्तिमा समस्या भएसँगै त्यहाँ दैनिक लोडसेडिङ पनि बढ्दै गएको छ ।