एजेन्सी । जोसे जिमिनेज र कप्तान डिएगो गोडीनले एक एक गोल गरेपछि च्याम्पियन्स लिग अन्तर्गत अन्तिम—१६ को पहिलो लेगमा इटालियन क्लब युभेन्ट्स स्पेनिस क्लब एथ्लेटिको मड्रिडसँग पराजित भएको छ ।

बुधबार राति भएको खेलमा युभेन्ट्स एट्लेटिकोसँग २—० ले गोल अन्तरले पराजित भएको हो । पहिलो हाफ गोलरहित बराबरीमा सकिएको खेलमा ७८ औं मिनेटमा जिमिनेजले गोल गर्दै घरेलु टोलीलाई सुरुवाती अग्रता दिलाएका थिए ।

त्यसपछि खेलको ८३ औं मिनेटमा गोडीनले गोल गर्दै एथ्लेटिकोलाई २—० को अग्रता दिलाए । उनको गोल ने जितका लागि निर्णायक बन्यो ।

युभेन्ट्सका स्टार स्ट्राइकर क्रिस्टियानो रोनाल्डो, पाउल डिबला लगायतको केही उत्कृष्ट प्रहारहरु गोलमा गोलमा परिणत हुन नसक्दा युभेन्टस्ले हार बेहोरेको हो ।