काठमाडौं – उपप्रधान एवं अर्थमन्त्री विष्णु पौडेलसहित चार मन्त्रीविरुद्ध अख्तियार दुरुपयोग अनुसन्धान आयोगमा उजुरी परेको छ।

सिन्धुलीका युवराज सफलले पौडेलसहित परराष्ट्रमन्त्री डा. आरजु राणा देउवा, ऊर्जामन्त्री दीपक खड्का र श्रममन्त्री शरदसिंह भण्डारीमाथि छानबिनको माग गर्दै आयोगमा उजुरी दिएका हुन् । बिहीबार अख्तियारको कार्यलयमा पुगेर छानबिनको माग सहित उजुरी दिएको उनले सामाजिक सञ्जाल मार्फत जानकारी दिएका छन् ।

युवराजले अर्थमन्त्री पौडेलले रुपन्देहीको देवीनगरमा नक्कली सुकुम्बासी बनी सार्वजनिक जग्गा लिएको र ललिता निवास प्रकरणमा मुछिएको भन्दै छानबिनको माग गरेका छन् ।

यस्तै उजुरीमा परराष्ट्रमन्त्री देउवा नक्कली भुटानी शरणार्थी प्रकरण र ऊर्जामन्त्री खड्का नेपाल स्काउटको सरकारी जग्गा हिनामिना प्रकरणमा मुछिएको भन्दै छानबिनको माग गरिएको छ ।