काठमाडौं- बाबा रामदेवका सहयोगी आचार्य बालकृष्ण अचानक अस्वस्थ भएर अस्पताल भर्ना भएका छन् । उनलाई बाबा रामदेव आफैंले अस्पताल लगेर भर्ना गराएका छन् ।

भारतीय पतञ्जली आयुर्वेदका ‘सिइओ’का रुपमा कार्यरत आचार्य बालकृष्ण एकाएक बिरामी भएका थिए । अचानक बेहोस बनेका आचार्य बालकृष्णलाई बाबा रामदेवले ऋषिकेशस्थित एम्स अस्पतालमा भर्ना गराएका छन् ।

स्वास्थ्यमा समस्या आउनसाथ पतञ्जली योगपीठ नजिकै रहेको भुमानन्द अस्पतालमा भर्ना गरिएको थियो । आचार्य बालकृष्णको गम्भिर रहेको छ । उनको अवस्था सामान्य हुन केहीसमय लाग्ने अस्पतालले जनाएको छ ।

अस्पताल पुर्याउँदा उनी बेहोस अवस्थामा थिए । अहिले उनलाई एम्स अस्पतालको आईसीयूमा राखेर उपचार भइरहेको छ ।