एजेन्सी– भारत भ्रमणमा रहेका साउदी युवराज मोहम्मद बिन सलमानले भारतमा १ खर्ब अमेरिकी डलरभन्दा धेरै लगानीको अवसर रहेको जनाएका छन् ।

भ्रमणका क्रममा प्रधानमन्त्री नरेन्द्र मोदीसँगको संयुक्त पत्रकार सम्मेलनका क्रममा साउदी अरबले भारतमा १ खर्ब डलरभन्दा धेरै लगानीको अवसरको खोजी गरिरहेको जनाएका हुन् ।

युवराज बिन सलमानले सन् २०१६ यता साउदी अरबबाट भारतमा ४४ अर्ब डलरभन्दा धेरैको लगानी भएको भन्दै आगामी केही वर्षमा साउदी अरबले भारतका विभिन्न क्षेत्रमा थप १ खर्ब डलर लगानी गर्ने मौका खोजिरहेको जनाएका हुन् ।

साउदी लगानी भारत र साउदी अधिराज्य दुबै मुलुकको हितमा रहेको भन्दै साउदी अरबले भारतमा लगानीका नयाँ क्षेत्रहरुको खोजी गरिरहेको समेत बताए ।