काठमाडौं- कमलादीस्थित टुकुचा खोलामाथिको सडकमा ठूलो भ्वाङ परेको घटना सेलाउन नपाउँदै नयाँबानेश्वर चोकनजिकैको सडकमा पनि त्यस्तै घटना दोहोरिएको छ ।
बानेश्वर चोकबाट शंखमूलतर्फको मुख्य सडक नै भासिएर भ्वाङ परेको हो । शंखमूलबाट बानेश्वरतिर आउने लेनमा भ्वाङ परेपछि महानरको टोली पुगेको छ ।
महानगरको टोलीले डोजरको प्रयोग गरेर भ्वाङ परेको सडकलाई मर्मत गरिरहेको छ ।
पछिल्लो समय काठमाडौंका सडक भासिन थालेका छन् । काठमाडौंमा भूमिगत जलश्रोतको मनपरी उपयोग पनि यसको प्रमुख कारण हो ।
त्यसैगरि खोला पुरेर बनाइएको क्षेत्रमा पनि सडक भासिँदैछ । यसअघि कमलादीमा टुकुचामाथिको सडक भासिएको थियो । सडक भ्वाङ परेपछि जमिनमुनि टुकुचा बगेको अवस्थामा देखिएको छ । ललितपुरमा पनि यसअघि मूल सडक भासिएको थियो ।
प्रतिक्रिया