काठमाडौं- सोलुखुम्बुको खुम्बु क्षेत्रमा हिमपोखरी फुटेर आएको बाढीका कारण ठाउँठाउँमा क्षति भएको छ ।
खुम्बु पासाङल्हामु गाउँपालिका–५ स्थित थामे क्षेत्रमा हिमपोखरी फुटेर दूधकोशीमा ठूलो बाढी आउँदा तटीय क्षेत्रमा पनि क्षति गरेको हो ।
दूधकोशीमा आएको बाढीका कारण खुम्बु जोड्ने ओर्लाङघाटस्थित माप्य-खुम्बु मितेरी माटरेबल पुलमा क्षति पुगेको छ । जसका कारण खुम्बुतर्फको आवतजावत बन्द भएको छ।
उता फाग्दिङदेखि नाम्चे जाने बाटो पनि करिब सय/सय मिटरका दरले कटान गरेपछि मानिससमेत हिँड्न बन्द भएको छ । अहिले क्षतिको विवरण संकलन भइरहेको जिल्ला प्रहरी कार्यालय सोलुखुम्बुले जनाएको छ ।
प्रतिक्रिया