काठमाडौं– भक्तपुरको गठ्ठाघर दुर्घटनाकी मृतकको पहिचान खुलिनसकेको प्रहरीले जनाएको छ। ।

भक्तपुर प्रहरी परिसरले अहिलेसम्म ज्यान गुमाएकी युवतीको पहिचान खुलिनसकेको जनाएको छ ।

काठमाडौंबाट जाँदै गरेको स्कुटरलाई बिहीबार दिउँसो पौने २ बजेतिर मालबाहक ट्रकले ठक्कर दिएको थियो । स्थानीयले युवतीलाई ट्रकले लतारेर ल्याएको र ब्याक गरेर किचेको दाबी गरेका थिए ।

ट्राफिकले स्कुटरलाई चेकजाँच गर्दै गर्दा तीव्र गतिमा आएको ट्रकले घिसारेको बताइएको छ ।

ना. ६ ख २१७३ नम्बरको मालबहाक ट्रकले बा. ४९ प ८९४४ नम्बरको स्कुटरलाई ठक्कर दिएको थियो । दुर्घटनापछि ट्रक चालक फरार रहेको प्रहरीले बताएको छ ।

उक्त शव पोस्टमार्टमका लागि त्रिवि शिक्षण अस्पताल पुर्‍याइएको छ ।

भूलसुधार** : यसअघि यसै समाचारमा मृत्यु भएकी युवती भनेर प्रकाशित नाम असम्बन्धित व्यक्तिको पर्न गएकाले क्षमयाचनासहित सच्याएका छौँ। -सम्पादक