बाँके– शालिकराम पुडासैनी प्रकरणमा अनुसन्धानका लागि चितवन हिरासतमा रहेका रवि लामिछानेको अबिलम्व रिहाईका लागि बाँकेको कोहलपुरमा दबाबमूलक शान्तिपूर्ण र्‍यालि नेकालिने भएको छ ।

समाजसेवी किशोर कृष्ण भण्डारीको संयोजकत्वमा गठन भएको रबि लामिछानेको पक्षधर २४ सदस्यीय संघर्ष समितिले शनिबार शान्तिपूर्ण र्‍याली निकाल्न लागेको हो ।

बेलुका ५ बजे ज्ञानुदय पुस्तकालय कोहलपुरमा भएको रबि समर्थकहरुको भेलाले जनताको शान्ति ,सुरक्षा, अमनचैन र नागरिक न्यायको सुदृढीकरणका लागी आवाज उठाउनु पर्ने भन्दै विभिन्न संघ , सस्था , बुद्धिजीवी ,पत्रकार , नागरिक अगुवा , राजनितिक दल लगायतका प्रतिनिधिहरुको साझा छलफलबाट संघर्ष समिति गठन गरेको छ ।

संघर्ष समितिले पुडासैनीको प्रकरणलाई निश्पक्ष छानविन गर्न समेत माग राखेको संयोजक भण्डारीले बताए । दबाबमूलक  र्‍याली भदौ ७ गते शनिबार दिनको १ बजेबाट कोहलपुरको न्युरोड चोकबाट निकालिने छ ।