चितवन– भरतपुर महानगरपालिकाले शालिकराम प्रकरणबारे सत्य तथ्य छानविन गर्न अपिल गरेको छ । महानगरकी मेयर रेनु दाहालले विहीबार एक विज्ञप्ति जारी गर्दै पत्रकार शालिकराम पुडासैनीको मृत्यु प्रकरण अस्वभाविक भएको भन्दै सत्यतथ्य पत्ता लगाउन सम्बन्धित पक्षलाई अपील गरेकी हुन् ।

महानगर प्रमुख दाहालले अनुसन्धान प्रभावित नगर्न आग्रह गरेकी छन् । उनले घटनासँग सम्बन्ध नै नभएका शीर्ष राजनीतिक नेतृत्व, महानगरपालिका र राज्यका अन्य संयन्त्र विरुद्ध गरिएको प्रचार तथा गालीगलौज दुखद् भएको विज्ञप्तिमा उल्लेख गरेकी छिन् ।

विज्ञप्तिमा भनिएको छ– ‘कुनै पनि व्यक्तिको अस्वभाविक मृत्यु हुनु दुखःद विषय हो । अस्भाविक मृत्युको कारणका लागि निष्पक्ष छानविन गर्नु राज्य र सरकारको दायित्व हो । ‘दोषी नछुटुन र निर्दोष नपरुन’ भन्ने मान्यताका आधारमा शीघ्र न्यायिक निरुपणका लागि महानगरपालिका सम्बन्धित पक्षसँग आग्रह गर्दछ ।’