पर्सा- प्रहरीले भारतीय रुपैयाँ २ लाख ५० हजार सहित एक भारतीय नागरिकलाई पक्राउ गरेको छ ।
जिल्ला प्रहरी कार्यालय पर्साबाट खटिएको टोलीले विशेष सुचनाको आधारमा भारतको विहारका ३६ वर्षीय मिथिलेस कुमार रायलाई पक्राउ गरेको हो ।
उनको साथबाट प्रहरीले भारतीय रुपैयाँ दुई लाख पचास हजार बरामद गरेको जनाएको छ । सो रकम सहित निजलाई पक्राउ गरी थप अनुसन्धानको लागि राजश्व अनुसन्धान कार्यालय बारामा पठाएको छ ।
पर्साको विरगंज महानगरपालिका वडा नं १६ ईनर्वा, शंकराचार्य गेट स्थितमा नेपालबाट भारततर्फ जाँदै गरेको अवस्थमा उनलाई प्रहरीले नियन्त्रणमा लिएको थियो ।
प्रतिक्रिया