काठमाडौं – बंगलादेशमा हिन्दु धर्मावलम्बीहरुमाथि हिंसा भएको भन्दै काठमाडौंमा श्रद्धाञ्जली कार्यक्रम आयोजन गरिएको छ ।

शनिबार दिउँसो हिन्दू राष्ट्र स्वाभिमान जागरण अभियानले काठमाडौंको माइतिघरमा श्रद्धाञ्जली कार्यक्रमको आयोजना गरि दिवंगत आत्माको सम्झनामा दीप प्रज्वलन र स्वस्ति वाचन गरेको छ ।

यस्तै राष्ट्रिय एकता अभियानको व्यानरमा बंगलादेशमा हिन्दु र बौद्ध धर्मावलम्बीहरुमाथि हिंसा भएको भन्दै विरोध स्वरुप काठमाडौंको माइतिघरमा प्रदर्शन गरिएको छ ।

विश्वभरका हिन्दु र बौद्ध धर्मावलम्बीहरु एक भएर बंगलादेशमा भएको हिंसाको विरोध गर्नुपर्ने उनीहरुले जनाएका छन् । उनीहरुले हिन्दुहरुमाथिको दमन बन्द गर, नेपाललाई हिन्दु राष्ट्र कायम गर लगाएतका नारा लगाएका थिए ।