काठमाडौं– स्थानीय प्रशासनबाट अनुमति नै नलिइ बालबालिकाको आरक्षण केन्द्र सञ्चालन गर्ने ३ जना पक्राउ परेका छन् ।

प्रहरीका अनुसार काठमाडौंको बाफल बस्ने ४६ वर्षीय सुजित रायमाझीसहित ३ जनाले नमूना प्रगतिशील महिला समाज नामक संस्था खोलेर विभिन्न जिल्लाबाट ल्याएका बालबालिका राख्दै आएका थिए । तर, उक्त संस्था प्रशासन कार्यालयमा दर्ता नै नभएको पाइएको प्रहरीले जनाएको छ ।

बिना दर्ता र अनुमति बालिबालिका राखेको पाइएपछि ४६ वर्षीय रायमाझीसहित ३ जनालाई प्रहरीले नियन्त्रणमा लिएको छ ।

उनीहरुले आफ्नो संस्थामा ९ जना बालबालिका राखेको पाइएको छ । ९ जना बालबालिकालाई उद्दार गरी हेल्पलाइन कलंकीमा राखिएको प्रहरीले जनाएको छ ।

प्रहरीका अनुसार पक्राउ परेका ३ जनामाथि नै थप अनुसन्धान भइरहेको छ ।