काठमाडौं– गुरुङ जातिको मृत्यु संस्कारसँग जोडिएको नाच हो स्यार्ग । यस जातिमा मानिसको मृत्यु पश्चात् १३ दिन या ४५ दिनमा पैं अर्थात् अर्गुम गर्ने परम्परा रहेको हुन्छ ।

सोही अर्गुममा सिमी अर्थात् मृत आत्मालाई स्वर्ग तार्न भाइ खलक र छोरी बहिनीहरू मिलेर स्यार्ग गाइने र नाचिने गरिन्छ ।

यो नाच गुरुङ जातिको बाहुल्यता रहेको कास्की, स्याङ्जा, लमजुङ, गोरखा, तनहुँमा नाचिने गरिन्छ । यसका साथै विभिन्न जिल्लाबाट उपत्यकामा बसोबास गर्ने गुरुङ जातिहरूले समेत यस परम्परालाई निरन्तरता दिएको पाइन्छ ।

यसै अवसरमा मिलीजुली बाबा समूह नार लामा क्होईबो घिं गुम्बा, काठमाडौंका सदस्यहरूले सोपाल गुरुङ समाजमा सो स्यार्ग नाच प्रस्तुत गरेका छन् ।

तस्बिरमा हेर्नुहोस् :

तस्बिर : नेपाल फोटा लाईब्रेरी