काठमाडौं– सञ्चार तथा सूचना प्रविधि मन्त्री गोकुल बाँस्कोटाले समग्र साइबर सुरक्षाको नीतिगत व्यवस्थाका लागि सरकार कटिवद्ध रहेको बताएका छन् ।

प्रतिनिधि सभाको बुधबारको बैठकमा सूचना तथा प्रविधि सम्बन्धी विधेयक २०७५ पेश गर्दै मन्त्री बाँस्कोटाले सामाजिक सञ्जालको प्रयोगलाई व्यवस्थित बनाउन विधेयक ल्याइएको बताएका हुन् ।

उनले नेपालले आफ्नै सामाजिक सञ्चालको विकास गर्ने अवस्था भइनसकेकाले सामाजिक सञ्जाललाई नेपालमा दर्ता गर्ने प्रावधान ल्याइएको बताए । फेसबूक, ट्वीटर, युट्युब जस्ता सामाजिक सञ्जाललाई दर्ता गर्ने प्रचलन अन्यत्र पनि रहेको बताए ।

त्यसअघि विधेयकमाथि विरोधको सूचना पेश गर्दै नेमकिपाका प्रेम सुवालले सूचना प्रविधिमा राज्यले नै जिम्मेवारी लिनुपर्ने वैदेशिक लगानी भित्र्याउन नहुने बताएका थिए ।