यङ्गून– उत्तरी म्यान्मारमा अल्पसङ्ख्यक जातीका लडाकु तथा सरकारी सुरक्षा फौजबीच चर्केको द्वन्द्वका कारण १९ जना मारिएका छन् ।

गत साताबाट उत्तरी म्यान्मारको शान राज्यमा उत्तरी गठबन्धन नामक जातीय लडाकु समूह तथा सुरक्षाकर्मीबीच हिंसा शुरु भएको हो ।
हिंसाका कारण शान राज्यको लाशियो शहर आसपास दुई हजारभन्दा धेरै मानिसहरु विस्थापित भएका छन् ।

विस्थापितहरु बौद्ध गुम्बा, अस्थायी शिविरलगायतमा लुकेर बसिरहेको जनाइएको छ । विस्थापितहरुलाई सरकारी अधिकारीले सहायता उपलब्ध गराइरहेका छन् ।

गत साता विद्रोहीले शान राज्यको सैनिक अखडामा आक्रमण गरी एक दर्जभबढी सुरक्षाकर्मीको ज्यान लिएपछि हिंसा शुरु भएको थियो ।

म्यान्मारका विभिन्न राज्यहरुमा जातीय लडाकुहरुले आत्मनिर्णयको माग राख्दै लामो समयदेखि सरकारविरुद्ध युद्ध लड्दै आएका छन् ।