काठमाडौँ– नेप्से सूचकमा आइतबार दोस्रो सकारात्मक सर्किट लागेर ४० मिनेटको लागि कारोबार बन्द भएको छ।

बजार खुलेको २ मिनेट नहुँदै नेप्से सूचक ४ प्रतिशतले बढेपछि पहिलो सर्किट लागेको थियो भने त्यस पश्चात खुलेको बजारमा नेप्से ५ प्रतिशतले बढेपछि दोस्रो सर्किट लागेको हो।

नेपाल स्टक एक्सचेन्ज नेप्सेमा बजार खुलेको १ मिनेट ३३ सेकेन्डमा पहिलो पोजेटिभ सर्किट लागेको थियो र २० मिनेटका लागि बजार बन्द भएको थियो । २० मिनेट पछि बजार खुलको १ मिनेटमै दोस्रो सर्किट लागेको हो ।

दोस्रो सर्किट ५.०२ प्रतिशतले बढेर बजार बन्द भएको हो । अब ४० मिनेटका लागि बजार बन्द रहन्छ । शुक्रबार मौद्रिक नीति सार्वजनिक भएसँगै आज कारोबारको पहिलो दिन दोस्रो सर्किट लागेको हो ।

दोस्रो सर्किट लाग्दा १२९.०७ अंकले नेप्से बढेर २६९७.२१ विन्दुमा पुगेको छ । दोस्रो सर्किट लाग्दा ५२ करोड ४९ लाख ६३ हजार रुपैयाँ बराबरको १३ लाख २०५ कित्ता शेयर किनबेच भएको छ ।

दोस्रो सर्किट लाग्दा २२१ कम्पनीको शेयर मूल्य बढेको छ भने ११ कम्पनीको शेयर मूल्य घटेको छ । ३ कम्पनीको शेयर मूल्य भने स्थिर रहेको छ ।

यसअघि नेप्सेमा ३.९९ प्रतिशतले बढेर पहिलो सकारात्मक सर्किट लागेका थियो । पहिलो सर्किट लाग्दा सम्ममा नेप्सेमा १०२.६८ अंकले बढेको थियो ।

पहिलो सर्किटमा २७ करोड २० लाख ९५ हजार रुपैयाँ बराबरको कारोबार हुँदा ५ लाख ५६ हजार ६५९३ कित्ता शेयर कारोबार भयो ।

पहिलो सर्किट ब्रेक लाग्दा २०६ कम्पनीको शेयर मूल्य बढ्यो भने १४ कम्पनीको शेयर मूल्य घटेको छ । ८ कम्पनीको शेयर मूल्य स्थिर रहेको छ ।