काठमाडौं- नेकपा एमालेका सांसद पदम गिरीले डेडिकेटेड तथा ट्रंक लाइनका नाममा वर्षौसम्म समस्यामात्रै देखिएकाले वर्तमान सरकारले समाधानको पहल लिएको बताएका छन् ।

मंगलबार प्रतिनिधिसभाको आकस्मिक समयमा बोल्दै गिरिले डेडिकेटेड तथा ट्रंक लाइनको बक्तौता समस्या समाधान गर्न खोज्दा जनतालाई भ्रम छर्नेगरि विपक्षी (माओवादी केन्द्र) प्रस्तुत भएको भन्दै आपत्तिसमेत जनाए ।

उनले डेडिकेटेड तथा ट्रंक लाइन प्रयोग गरेको टिओडी मिटरको बिल प्राधिकरणले दिन नसकेको अवस्थामा पूर्वाग्राही ढंगले लाइन काटिएको आरोपसमेत लगाए ।

उनले व्यवसायीहरूले तिर्नुपर्ने रकम पनि यसअघि प्राधिकरणले नियतवश नउठाएको जिकिर गरेका छन् । उनले प्राधिकरणले टीओडी मिटरको यकिन तथ्यांक दिन नसकेको जिकिर गरेका छन् ।