काठमाडौं- सोमबार बिहान हुने कोपा अमेरिकाको फाइनल अगाडि नै अर्जेन्टिना राष्ट्रिय टोलीले स्टार मिडफिल्डर एन्जेल डी मारियाको बिदाइ गरेको छ।

यसअघि नै अन्तर्राष्ट्रिय खेल जीवनबाट विश्राम लिने निर्णय गरेका उनलाई अर्जेन्टिनी टोलीले शनिबार रातिको डिनरबाट बिदाइ गरेको हो ।

त्यसक्रममा अर्जेन्टिनी कप्तान लियोनेल मेस्सीले डी मारियालाई बिदाइको जर्सी प्रदान गरेका छन् । त्यसक्रममा उनीहरू दुवैजना भावुक भएका तस्बिर सामाजिक सञ्जालमा सार्वजनिक भएका छन्।

डि मारियाले गत नोभेम्बरमै अन्तर्राष्ट्रिय फुटबलबाट सन्यास लिने बताएका थिए । उनका लागि अब सोमबार कोलम्बियाविरुद्धको फाइलन खेल नै अन्तिम हुने छ ।

नेपाली समयअनुसार सोमबार बिहान फ्लोरिडाको मियामी गार्डेन्समा हुने कोपा अमेरिकाको फाइनल खेलपछि ३६ वर्षीय डी मारियाले सन्यास लिने छन्।

डि मारियाले सन् २००८ मा अर्जेन्टिनी टोलीमा डेब्यु गरेका थिए । उनले १४४ खेलमा ३१ गोल गरेका छन् ।

डिफेन्डिङ च्याम्पियन अर्जेन्टिना कोपा अमेरिकाको उपाधि जिताएर आफूले सन्न्यास लिन चाहेको उनले बताएका छन् ।

‘यो मेरो अन्तिम खेल हो । म सबै अर्जेन्टिनी र यो पुस्तालाई धन्यवाद दिन चाहन्छु जसले मलाई यति धेरै ट्रफी उचाल्न साथ दिनुभयो,’ उनले भने ।

सोमबार फ्लोरिडाको मियामी गार्डेन्समा हुने फाइनलका कोलम्बियासँगको खेलपछि ३६ वर्षीय डी मारिया बिदा हुनेछन् । उनले सन् २००८ मा अर्जेन्टिनी टोलीमा डेव्यु गरेका थिए ।

अर्जेन्टिनालाई दोस्रो पटक विश्वकप र १५ औँ पटक कोपा अमेरिकाको उपाधि जिताउन कप्तान लिओनल मेसीसँगै डी मारियाले महत्त्वपूर्ण भूमिका खेले ।