काठमाडौँ– बलिउड अभिनेता अक्षय कुमारलाई कोरोना संक्रमण भएको छ ।
अक्षयकुमारले आफूलाई कोरोना संक्रमण भएकाले अलग बसेको भारतीय मिडियाहरुले उल्लेख गरेका छन् ।
फिल्म सरफिरा को प्रमोशनको क्रममा अक्षयलाई कोरोना संक्रमण भएको बताइएको छ । उनलाई शुक्रबार बिहान कोभिड पोजिटिभ पुष्टि भएको हो ।
यसअघि सन् २०२२ मा पनि अक्षय फिल्म ‘राम सेतु’ को सुटिङका क्रममा कोरोना संक्रमित भएका थिए ।
यस अवधिमा अक्षय बाहेक टोलीका अन्य सदस्यहरूलाई पनि कोभिड पोजिटिभ देखिएको थियो ।
अक्षयकुमारको नयाँ फिल्म ‘सरफिरा’ शुक्रबार रिलिज भएको छ । यो फिल्म दक्षिणका व्यापारी जीआर गोपीनाथको जीवनमा आधारित छ । जसमा अक्षय मुख्य भूमिकामा छन् ।
प्रतिक्रिया