एजेन्सी- जेफरसन लेर्माले खेलको ३९ औँ मिनेटमा जेम्स रोड्रिगेजको क्रसलाई जाली चुमाउँदै गरेको १ गोल नै निर्णायक भएको खेलपछि झडप भएको हो ।
कोलम्बियाले अर्जेन्टिनाविरुद्ध फाइलन पक्का गर्दा उरुग्वे निराश भएको हो । १० खेलाडीमा सीमित कोलम्बियाका लागि लेर्माको एकमात्र गोल उरुग्वेलाई हराउन पर्याप्त भयो ।
खेलको अन्तिम सिठ्ठी बजेलगत्तै कोलम्बियाका प्रशंसक र उरुग्वेका खेलाडीबीच स्ट्यान्डमा हात हालाहाल भएको हो ।
सामाजिक सञ्जालमा भाइरल भएको भिडियोमा लिभरपुलका स्ट्राइकर डार्विन नुनेज र उरुग्वेका केही खेलाडी स्टेडियमबाट स्ट्यान्डमा उक्लेर कोलम्बियाका समर्थकसँग भिडेका हुन् ।
A closer look at what happened between Darwin Nunez and Colombia fans. 🇨🇴🇺🇾 pic.twitter.com/IPJWs2xSK5
— CentreGoals. (@centregoals) July 11, 2024
यस घटनाका क्रममा नुनेज सबैभन्दा अगाडि थिए। फक्स सकरले एक्समा यस घटनाको पूरा भिडियो हालेको छ । उसको कमेन्ट्रीयमा यस घटनाको वर्णन पनि गरिएको छ ।
‘उरुग्वेका खेलाडी स्ट्यान्डडमा गएर कोलम्बियन समर्थकसँग विवाद गरिरहेका थिए। त्यहीबेला मुक्का, लात्तीले हान्न थालियो । पेय पदार्थ र फोहोर जस्ता वस्तु एकअर्कामाथि फ्याँकिएको देख्न सक्नु हुन्छ ।’
ईएसपीएनले बताएअनुसार दक्षिण अमेरिकी फ़ुटबलको संस्था कोनमेबोल जसले कोपाको आयोजना पनि गर्छ, यस घटनाको पूरा जाँच तयारी गरेको छ ।
पूरा घटनाबारेमा जानकारी दिँदै उरुग्वेका कप्तान जोस मारिया गिमेनेजले खेलाडीहरू आफ्ना परिवारको बचाउमा उत्रिएको जानकारी दिएका छन् ।
ईएसपीएनलाई उद्धृत गर्दै आधिकारिक प्रसारणमा गिमेनेजले भने, ‘कृपया सावधान रहनुस्, हाम्रा परिवार स्ट्यान्डमा छन्, त्यहाँ नवजात शिशु पनि छन् ।’
उरुग्वेका खेलाडीहरूले यसलाई एक आपत् भन्दै आफ्ना परिवारलाई संरक्षणका लागि त्यहाँ पुलिस पनि नभएको बताएका थिए ।
स्ट्यान्डमा मदिरा पिएका कोलम्बियन समर्थकहरूले उरुग्वेका खेलाडीका परिवारलाईसमेत आक्रमण गर्न थालेपछि नुनेजसहितका आक्रोशित भएको बताइएको छ ।
कोल्मबियासँग हारेपछि उरुग्वेले शनिबार तेस्रो स्थानको प्लेअफमा क्यानाडाविरुद्ध खेल्ने छ । कोलम्बिया आइतबार हार्ड रक स्टेडियममा उपाधिका लागि अर्जेन्टिनासँग भिड्नेछ ।
प्रतिक्रिया