एजेन्सी– पोल्यान्डका प्रधानमन्त्री डोनाल्ड टस्कले जर्मनीले युरोपेली सुरक्षाको नेता बन्नुपर्ने बताएका छन्‌ । यो प्रायः अत्यधिक तनावपूर्ण सम्बन्धमा रहेका दुई मुलुकबीच सम्बन्ध सुधारको सङ्केत हो ।

युरोपेली सङ्घ (ईयू) का पूर्वप्रमुख टस्क गत वर्ष पोल्यान्डमा लोकप्रिय कानून र अन्य पार्टीको नेतृत्वमा रहेको सरकारलाई प्रतिस्थापन गर्दै सत्तामा आएका थिए । उनको विशेषता भनेको जर्मनीविरुद्ध बयानबाजी गर्नु थियो ।

“पोल्यान्डसहित युरोपको साझा सुरक्षाका लागि जर्मनी नेता हुनेछैन भन्ने म कल्पना गर्न सक्दिनँ”, टस्कले जर्मन चान्सलर ओलाफ सोल्ससँगको पत्रकार सम्मेलनमा भने । बैठकमा पोल्याण्ड र जर्मन सरकारबीच ६ वर्षमा पहिलो वार्ता भएको थियो ।

“संयुक्त र प्रभावकारीरूपमा युरोप सुरक्षित छ भनेर सुनिश्चित गर्नुपर्छ । यसको ठ्याक्कै मतलब यो हो कि हामी (पोल्यान्ड र जर्मनी) नाटोको ढाँचाभित्र र इयुको पूर्वी भागको संरक्षणमा बाल्टिक क्षेत्रमा अग्रणी भूमिका लिन चाहन्छौँ”, उनले भने ।

दुई नेताले रक्षा सहयोगका साथै बेलारुससँगको पोल्यान्डको पूर्वी सिमानामा समस्या बनेको अवैध आप्रवासीलाई रोक्ने विषयमा छलफल गरेका छन्‌ ।