रोल्पा – रोल्पाको माडी गाउँपालिका–४ परेवाछहरामा जीप दुर्घटना हुँदा ज्यान गुमाउनेको संख्या सात पुगेको छ ।
रोल्पाको घर्तीगाउँबाट तालावाङतर्फ जाँदै गरेको लु १ ज ३२५२ नम्बरको जीप माडी गाउँपालिका वडा नं ४ स्थित परेवा छहरामा दुर्घटना भएको हो ।
जिल्ला प्रहरी कार्यालय रोल्पाका अनुसार अन्य सात जना घाइते भएका छन् । मृतकको सनाखत भइसकेको छैन । जीप सडकबाट करीब चार सय मिटर तल खसेको छ ।
घाइतेहरूलाई स्थानीय स्वास्थ्य चौकी घर्तीगाउँ पुर्याइएको छ । घटनापछि निरन्तर पानी परिरहेकाले उद्दारमा असहज भएको प्रहरीले बताएको छ ।
प्रतिक्रिया