नयाँ दिल्ली– भारतमा नयाँ दुई प्रजातिका माछा फेला परेका छन् । उत्तरपूर्वी भारतको मिजोरम राज्यस्थित कलादन नदीमा नौलो प्रजातिको क्याटफिस फेला परेको हो । नयाँ प्रजातिको माछालाई ग्लापोठोराक्स गोपी नाम दिइएको छ ।

त्यस्तै, उत्तरी भारतको हिमाचल प्रदेशस्थित शिम्बलबारा नदीमा अर्को प्रजातिको माछा फेला परेको हो । नयाँ प्रजातिको माछालाई गरा शिम्बलबाराएसिस नाम दिइएको छ । भारतको जीवविज्ञा सर्वेक्षणका वैज्ञानिकहरुले नयाँ प्रजातिका माछाहरु फेला पारेका हुन् ।

दुबै माछाको लम्बाई ७ सेन्टिमिटर भन्दा कम रहेको र दुबै माछाहरु नदीको तीब्र वहावमा जीवित रहनसक्ने क्षमताको रहेको बताइएको छ ।
ग्लापोठोराक्स गोपी कडा खैरो रंगको रहेको र गरा शिम्बलबाराएसिस माछा पहेंलो–कैलो रंगको रहेको भारतीय सञ्चारमाध्यमले जनाएका छन् ।