काठमाडौं – आइसीसी टी–२० विश्वकप क्रिकेटको ‘सुपर–८’ अन्तर्गत अस्ट्रेलियाविरुद्ध ब्याटिङ गरिरहेको भारतले दोस्रो विकेट गुमाएको छ ।

तेस्रो नम्बरमा ब्याटिङ गर्नका आएका ऋषभ पंत १५ रन बनाएर आउट भएका हुन । १४ बलको सामा गरेका उनले एक चौका र एक छक्का प्रहार गरेका हुन् । उनलाई अस्ट्रेलियाका मार्कस स्टोइनिसले ट्राभिस हेडको हातबाट क्याच आउट गराए

सेन्ट लुसियास्थित डरेन सामी स्टेडियममा टस हारेर ब्याटिङ गरिरहेको भारतले ९ ओभरको खेल सकिँदा दुई विकेट गुमाएर १०२ रन बनाएको छ । अहिले कप्तान रोहित शर्माले ८३ रनसहित क्रिजमा छन् । उनलाई साथ दिन सुर्यकुमार यादव मैदान प्रवेश गरेका छन् ।

भारतले सुपर आठका दुवै खेल जितेर ४ अंकसहित शिर्ष स्थानमा छ भने अस्ट्रेलियाले बंगलादेशलाई पराजित गरेको थियो भने अफगानिस्तानसँग हार बेहोरेको थियो ।

सेमिफाइनलमा पुग्न अस्ट्रेलियाले यो खेल जित्नै पर्ने अवस्थामा रहेको छ ।