रौतहट- प्रहरीले रौतहटको मौलापुरबाट एक थान कटुवा पेस्तोल र दुई राउन्ड गोलीसहित एकजना भारतीय युवकलाई पक्राउ गरेको छ ।

मौलापुर नगरपालिका-५ पथराबाट बुधबार दिउँसो भारतीय नागरिक मोनुकुमार जयसवाल पक्राउ परेका हुन् ।

गत जेठ २२ गते बुधरामस्थित माँ बचत तथा ऋण सहकारी संस्थाका कर्मचारीलाई गोली हानी फरार रहेकाको खोजीका क्रममा जयसवाल पक्राउ परेका हुन् ।

जिल्ला प्रहरी कार्यालय रौतहटका प्रहरी उपरीक्षक दिलिप घिमिरेका अनुसार तिनै भारतीय नागरिक उक्त घटनामा संलग्न रहेको आशंका छ । थप

पक्राउ परेका जयसवाल बिहार राज्यको मोतिहारीमा ‘बाबा ग्याङ’ नामक आपराधिक समूहका सदस्य रहेको प्रहरीले जनाएको छ

उनी यसअघि पनि नेपाल-भारत सीमा क्षेत्रमा लुटपाटको घटनामा संलग्न भइरहने र तस्करीमा सक्रिय रहेको उपरीक्षक घिमिरेले बताए ।