दूध सहकारी संघका पदाधिकारी तथा सदस्यहरूले लैन्चौरस्थित दूग्ध विकास संस्थान घेराउ गरेका छन् ।
दोश्रो पटक दूग्ध विकास संस्थानको केन्द्रीय कार्यालय घेराबन्दी गर्न पुगेका उनीहरूलाई प्रहरीले रोकेको छ ।
बुधबार बिहान संस्थानको कार्यालय घेराबन्दी गर्न पुगेका युनियनका पदाधिकारी र कार्यकर्तालाई प्रहरीले पक्राउ गरेको छ ।
दूध उत्पादक कृषकले लामो समयदेखि दूग्ध विकास संस्थान र निजी डेरीबाट दूधको भुक्तानी नपाएको भन्दै आन्दोलित भएका छन् ।
यसैबीच नेकपा एमालेका प्रमुख सचेतक महेश बर्तौलाले दूग्ध किसानको माग पूरा गर्न सरकारको ध्यानाकर्षण गराएका छन् ।
बुधबार प्रतिनिधिसभा बैठकमा दुध बिचेको बक्यौता उठाउन आन्दोलन गर्नुपर्नै अवस्था आएको भन्दै दूग्ध किसानको माग पूरा गर्न सरकारको ध्यानाकर्षण गराएका हुन् ।
डिडिसीबाट दुई अर्ब र निजि डेरीबाट करिब ३ अर्ब लिन बाँकी हुँदा कृषकहरू पीडित भएको उनले बताए ।
उनले न्यायोचित माग पूरा गर्न किसानहरूले डिडिसीमा धर्ना दिँदा प्रहरीले हस्तक्षेप गरेको भन्दै आपत्ति जनाए ।
प्रतिक्रिया