ताप्लेजुङ– पाथीभरा भगवतीका नामले प्रख्यात ताप्लेजुङको मुकुम्लुङ क्षेत्रमा लिम्बु धर्मावलम्बीहरूले धमाधम वृक्षारोपण गरिरहेका छन् ।

आफ्नो धार्मिक आस्थाको केन्द्रमा केबलकार चलाएर व्यापारीकरण गर्न लागेको विरोधमा लिम्बु धर्मावलम्बीहरूले पूजा-आराधनासहित वृक्षारोपणलाई तीव्र बनाएका हुन् ।

पहिचान पक्षधर लिम्बू संस्कृतिकर्मी तथा अभियन्ताहरूले केवलकार निर्माण परियोजनाको विरोध गर्दै युमा धर्मअनुसार पूजा-आराधना गरेर बिरूवा रोपिरहेका छन् ।

दुई दिनदेखि जारी यो अभियानका क्रममा लिम्बु धर्मावलम्बीहरूले सयौँ बिरूवा रोपिसकेका छन् ।

उनीहरूले शुक्रबार पाथीभराको वन फँडानी भएको क्षेत्रमा वृक्षारोणलाई निरन्तरता दिँदै घोलाङ यक्वा पूजा पनि गर्दैछन् ।