किएभ – राष्ट्रपति भोलोदिमर जेलेन्स्कीले दक्षिणी युक्रेनस्थित उहाँको गृहनगरमा रुसी आक्रमणमा छ जना मारिएको बताएका छन् । आक्रमणमा एक दर्जनभन्दा बढी घाइते भएका छन् ।

सामाजिक सञ्जालमा उनले भनेका छन् , “क्रिवी रिगमा रुसी मिसाइल आक्रमण । अहिलेसम्म छ जनाको मृत्यु भएको छ र ११ जना घाइते भएका छन् ।”

उनले घटनास्थलमा आपत्कालीन सेवाहरूले लिएका भिडियो फुजेट पोस्ट गरेका छन् । फुटेजमा उद्धारकर्मीहरूले भत्किएको भवनबाट धुवाँ निस्किरहेको देखाउँदै जीवितहरूलाई खोज्न भग्नावशेषमा देखाइएको छ ।

जेलेन्स्कीले आफ्नो पोस्टमा युक्रेनका सहयोगीहरूसँग रुसी हवाई आक्रमणबाट बच्नका लागि अत्याधुनिक हवाई बेट्रीहरूको आपूर्ति बढाउन आह्वान गरेका छन् ।

“आधुनिक हवाई रक्षा प्रणालीले मानिसहरू, हाम्रा सहर र हाम्रो अवस्थाका लाग अधिकतम सुरक्षा प्रदान गर्दसक्छ, साथै हामीलाई सकेसम्म तिनीहरूको आवश्यकता छ ।”