काठमाडौं – विगत केही दिनदेखि देशका अधिकांश भू–भागको तापक्रम वृद्धि भइरहेको छ ।

शुक्रबार पनि तराईका केही स्थानमा अधिकतम तापक्रम ४० डिग्री सेल्सियस वा सोभन्दा बढी मापन गरिएको छ । आज नेपालगन्जमा ४३, धनगढीमा ४२.५, दिपायलमा ४१.२, सुर्खेतमा ४०.४, घोराहीमा ३८.६ र भैरहवामा ३६.८ डिग्री सेल्सियस तापक्रम मापन गरिएको छ ।

निरन्तर तापक्रम बढिरहेका कारण तराईमा तातो हावाको लहर अझै बढ्ने जल तथा मौसम पूर्वानुमान महाशाखाले जनाएको छ । महाशाखाका अनुसार पश्चिम तराईमा डेढ सातादेखि चलिरहेको तातो हावको लहर आइतबारसम्म चल्ने छ ।

उच्च तापक्रम र तातो हावाका कारण तराईको जनजीवन प्रभावित भएको छ । बाँके, रुपन्देही, दाङ, कैलाली लगायतका केही स्थानमा विद्यालय समेत बन्द गरिएको छ ।

याे पनि…

अत्यधिक गर्मीले बर्दियाका विद्यालय थप छ दिन बन्द

भारतमा गर्मीका कारण ३१ को मृत्यु