काठमाडौं – अभिनेत्री करिश्मा मानन्धरले दश प्लस २ अध्ययनका लागि राजधानीको किटिनी क्याम्पस रोजेकी छिन् । उनले यसै वर्ष ३ जीपीए लिएर एसईई उत्तीर्ण गरेकी थिइन् ।

आफ्नो घर गोदावरी क्षेत्रमा भएकाले उनी सो क्याम्पसमा पढ्ने भएकी हुन् । करिश्माले सामाजिक सञ्जालमार्फत किटिनी उच्च माविको पोशाक लगाएर केही तस्वीर सार्वजनिक गरेकी छिन् ।

यसअघि उनी पूर्वप्रधानमन्त्री बाबुराम भट्टराईले नेतृत्व गरेको नयाँ शक्ति पार्टीमा आवद्ध थिइन् । भट्टराईले उपेन्द्र यादवको पार्टी संघीय समाजवादी पार्टीसँग एकता गरेपछि उनले राजनीति छोडेको घोषणा गरेकी थिइन् ।

मैतिदेवीको त्रिवेणी पब्लिक स्कूलबाट एसईई परीक्षा दिएकी करिश्माको परीक्षा केन्द्र डिल्लीबजारको विजय स्मारक माध्यमिक विद्यालयमा परेको थियो ।

१४ वर्षको उमेरदेखि अभिनय यात्रा थालेकी करिश्मा गतवर्ष स्कूल भर्ना भएकी थिइन् । करिश्मा स्कूल भर्ना भएपछि उनको चर्चा चुलियो । फिल्मी दुनियाँमा भने उनी खासै चर्चामा छैनिन् ।