काठमाडौं दक्षिण अफ्रिकाको सर्वोच्च अदालतले सोमबार पूर्वराष्ट्रपति ज्याकोब जुमालाई आगामी निर्वाचनमा भाग लिन अयोग्य भएको फैसला गरेको छ ।

निर्वाचन आयोगले जुमालाई उम्खोन्टो वेसिज्वे (एमके) पार्टीको मनोनित  उम्मेदवारको सूचीमा रहन अनुमति दिने निर्वाचन अदालतको आदेशको अपिलपछि अदालतको यस्तो फैसला आएको हो ।

जुमालाई अपराधको दोषी ठहर गरी  १२ महिनाभन्दा बढीको जेल सजाय सुनाइएको थियो । त्यसै अनुसार जुमा राष्ट्रिय सभाको सदस्य हसनका लागि चुनावमा  भाग लिन अयोग्य भएको संवैधानिक अदालतले आफ्नो फैसलामा  उल्लेख गरेको छ ।  

फैसला अनुसार निर्वाचन अदालतको आदेश खारेज गरी जुमा र एमके पार्टीको आवेदन  समेत खारेज गरेको छ ।

सन् २०२१ मा अदालतको अपमानको आरोपमा १५ महिनाको जेल सजाय सुनाइएका जुमालाई एमके पार्टीले चुनावका लागि उम्मेदवारको रूपमा मनोनित गरेको थियो । दक्षिण अफ्रिकामा मे २९ का  लागि राष्ट्रिय तथा स्थानीय निर्वाचनको मिति तय भएको छ ।