काठमाडौं- प्रतिनिधि सभाको बैठक सुरु भएको छ । बैठक सुरु भएलगत्तै प्रमुख प्रतिपक्षी नेपाली कांग्रेसले नाराबाजीसहितअवरोध सुरु गरेको छ ।

बैठकमा सहकारी पीडितलाई न्याय दे, गृहमन्त्रीलाई कारबाही गर् भन्दै कांग्रेस सांसदहरूले नाराबाजी गरिरहेका छन् ।

यसअघि सभामुख देवराज घिमिरेले संसद्‍मा अवरोध नगर्न विपक्षी दलहरुलाई अनुरोध गरेका थिए ।

सोमबार बिहान बसेको कार्यव्यवस्था परामर्श समितिको बैठकमा उनले प्रधानमन्त्री पुष्पकमल दाहाल ‘प्रचण्ड’ले विश्वासको मत लिन लागेकाले संसद्‍मा अवरोध नगर्न आग्रह गरेका थिए । तर कांग्रेसले अवरोध जारी राखेको छ ।

प्रधानमन्त्रीलाई विश्वासको मत दिने कार्यक्रममा नै अबरोध गर्ने कुराले कालान्तरसम्म प्रभावित बनाउने भन्दै मुलुकको कार्यकारी प्रमुखले बहुमत परीक्षण गर्छु भनेर संसदमा प्रस्ताव गरेको अवस्थालाई सहज बनाउनु पर्ने बताएका थिए ।