काठमाडौं– नेपाल राष्ट्र बैंकले चालु आर्थिक वर्षको मौद्रिक नीतिको तेस्रो समीक्षा गर्दै देशको उत्पादन र निर्माण क्षेत्र ऋणात्मक भएको र चालु आर्थिक वर्षको अन्त्यसम्म पनि ऋणात्मक नै हुनसक्ने अनुमान गरेको छ ।

अघिल्लो आर्थिक वर्षमा ऋणात्मक रहेको उत्पादन र निर्माण उपक्षेत्रको वृद्धिदर चालु आर्थिक वर्षमासमेत ऋणात्मक नै रहने अनुमान रहेको राष्ट्र बैंकले अनुमान गरेको छ ।

उत्पादनमूलक वस्तुको वृद्धि हुन सकेमा मात्रै धनात्मक हुन सक्ने राष्ट्र बैंकको विश्लेषण रहेको छ । 

‘राष्ट्रिय तथ्याङ्क कार्यालयको औद्योगिक उत्पादन सूचकाङ्क अनुसार चालु आर्थिक वर्षको दोश्रो त्रयमासमा काठजन्य, डेरी, चिया, सूर्तीजन्य, लत्ताकपडा, औषधीजन्य, धातुजन्य वस्तुहरूको उत्पादन घटेको देखिएको छ’ ।