शुक्रबार बिहान आयोजित का‌ंग्रेस संसदीय दलको बैठक

काठमाडौं- नेपाली कांग्रेस संसदीय दलको बैठकले विहीबार संसदमा उत्पन्न भएको तनावको जवाफदेही सभामुख देवराज घिमिरे रहेको निष्कर्ष निकालेको छ । साथै कांग्रेसले संसदमा रहेका सबै विपक्षी पार्टीहरुसँग संयुक्त बैठक बस्ने निर्णय गरेको छ ।

कांग्रेस संसदीय दलको बैठक सकिएलगत्तै सभापति शेरबहादुर देउवाको कार्यकक्षमा अहिले विपक्षी दलहरुको संयुक्त बैठक शुरु भएको छ ।

संयुक्त बैठकमा कांग्रेस, जनता समाजवादी, लोकतान्त्रिक समाजवादी, जनमत पार्टी लगायतको सहभागिता छ ।

संसदीय दलको बैठकबारे जानकारी दिँदै कांग्रेसका एक सांसदले खबरहबसँग भने,‘रवि लामिछानेलाई संसदमा बोल्न दिन्छौं भनेर हामीले पहिले देखि नै भन्दै आएको कुरा हो । तर, उनले बोलेपछि हामीले बोल्न पाउनुपर्छ ।’

यो पनि-

संसदीय समिति गठनको मागबाट पछि नहट्ने कांग्रेसको निर्णय

विहीबार संसदमा जुन किसिमको तनावको स्थिति उत्पन्न भयो, त्यसमा सभामुख नै मुख्य जिम्मेवार रहेको कांग्रेसले निष्कर्ष निकालेको बताउँदै कांग्रेसका एक सांसदले भने, ‘सभामुखको भूमिकाबारे विपक्षी बेञ्चमा रहेका पार्टीहरुसँग छलफल हुनेछ र हामीले साझा रुपमा त्यसको प्रतिवाद गर्नेछौं ।’

सहकारीमा भएको ठगीबारे संसदीय छानविन समिति बन्नुपर्नेमा सबै विपक्षी दलको एउटै आवाज रहेको कांग्रेसका ती नेताले दाबी गरे ।

यो पनि-

कांग्रेसलाई जवाफ दिन ‘विश्वासको कार्ड’ ?