काठमाडौं – विश्वकप अगाडिको पहिलो अभ्यास खेलमा नेपालको राष्ट्रिय क्रिकेट टिमले विनवाड्र्स भोलक्यानोजमाथि चार विकेटको जित निकालेको छ।

मंगलबार राति भएको खेलमा नेपालविरुद्ध पहिलो ब्याटिङ गरेको भेलक्यानोजले ८ विकेटको क्षतिमा १९६ रन बनाएको थियो। भोलक्यानोजलाई सस्तैमा समेट्न नेपालका कप्तान रोहित पौडेलले तीन विकेट हात पारेका थिए।

१९७ रनको लक्ष्य पछ्याएको नेपालका लागि कुशल भुर्तेल र दीपेन्द्रसिंह ऐरीले अर्धशतक बनाए। भुर्तेलले आक्रामक ओपनिङ गर्दै ४२ बलमा ७१ रन बनाएका थिए भने आक्रामक फिनिसिङ गर्दै दीपेन्द्रले २५ बलमा नटआउट ५२ रन बनाए। १९७ रनको लक्ष्य नेपालले १९.३ बलमा ६ विकेट गुमाउँदै भेट्टाएको हो।

नेपाललाई अन्तिम २ ओभरमा जितका लागि ३८ रन आवश्यक थियो। दीपेन्द्रले १९ औं ओभरमा चार छक्का प्रहार गर्दै नेपाललाई जित नजिक पुर्याएका थिए। उक्त ओभरमा नेपालले २६ रन बनाएको थियो।

अन्तिम ओभरमा सोमपाल कामीले १२ रन जोड्दै नेपाललाई जित दिलाएका हुन। सोमपालले नटआउट ३५ रन बनाए।

भोलक्यानोजसँग नेपालले थप दुई वटा अभ्यास खेल खेल्दैछ। विश्वकप अगाडिको यो अभ्यास खेललाई महत्त्वका साथ हेरिएको छ।