काठमाडौं । नवनियुक्त स्वास्थ्य तथा जनसंख्यामन्त्री प्रदीप यादवले सरकारी अस्पतालहरूमा जनशक्ति थप गर्ने निर्णय गरेका छन् ।

सोमबार पदभार ग्रहण गरे लगत्तै मन्त्री यादवले पहिलो निर्णयका रुपमा ठूला सरकारी अस्पतालहरूमा जनशक्ति थप गर्ने सम्बन्धी फाइलमा हस्ताक्षर गरेका हुन् । जनशक्ति थप गर्दा बिरामीको बढी भिड हुने अस्पताललाई बढी प्राथामिकता दिइने यादवले बताए

उक्त निर्णय अनुसार पहिलो चरणमा चिकित्सा विज्ञान राष्ट्रिय प्रतिष्ठान (न्याम्स) वीर अस्पताल, राष्ट्रिय ट्रमा सेन्टर, कान्ति बाल अस्पताल, परोपकार प्रसूति तथा स्त्रीरोग अस्पताल, शुक्रराज ट्रपिकल तथा सरुवा रोग अस्पताल जनशक्ति थप गरिने छ ।

त्यस्तै भरतपुर अस्पताल, डडेल्धुरा अस्पताल, भेरी अस्पताल, राष्ट्रिय क्षयरोग केन्द्र लगायतका अपस्तालमा कर्मचारी थप गरिने छ ।

जनता समाजवादी पार्टी (जसपा)का सांसद यादवले सोमबार राष्ट्रपति रामचन्द्र पौडेल समक्ष पद तथा गोपनीयताको शपथ लिएका थिए ।