दोलखा । निर्माण व्यवसायी संघ दोलखाको अध्यक्षमा राजेश थापा निर्वाचित भएका छन् ।

शनिबार भएको मतदानमा अर्का उम्मेदवार कृष्ण पाख्रिनलाई तीन मतको झिनो अन्तरले पराजित गर्दै थापा अध्यक्षमा निर्वाचित भएका हुन् । निर्वाचित थापाले ९० मत प्राप्त गर्दा पाख्रिनले ८७ मत ल्याए ।

यस्तै संघको वरिष्ठ उपाध्यक्षमा छविलाल तामाङ निर्वाचित भएका छन् । तामाङले एक सय २ मत ल्याउँदा उनका निकटतम प्रतिस्पर्धी हरिबहादुर श्रेष्ठले ७३ मत पाए । प्रथम उपाध्यक्षमा ९४ मतसहित ईन्द्रकुमार श्रेष्ठ विजयी भएका छन् ।

यसैगरी, तृतीय उपाध्यक्षमा ६५ मतसहित रमेश तामाङ निर्वाचित भएका छन् । यस्तै सचिवमा निर्वाचि भएका रोशन श्रेष्ठ ९२ मत प्राप्त गरे । भने कोषाध्यक्षमा गणेशबहादुर थापा एक सय एक मतसहित निर्वाचित भएका छन् ।

निर्माण व्यवसायी संघको महासचिव, द्धितीय उपाध्यक्ष र सहकोषाध्यक्ष भने यसअघि नै निर्विरोध निर्वाचित भईसकेका छन् । महासचिवमा लालबहादुर तमाङ, द्धितीय उपाध्यक्षमा मनोज कुमार श्रेष्ठ र सहकोषाध्यक्षमा विष्णुप्रसाद उप्रेती निर्विरोध निर्वाचित भएका हुन् ।

संघको नयाँ नेतृत्व चयनका भएको निर्वाचनमा १ सय ७९ मत खसेको थियो । कुल मतदाताको संख्या एक सय ९२ रहेको समितिका सदस्य गोकर्ण प्रसाद भण्डारीले जानकारी दिए । संघको सदस्य तर्फ बरिष्ठ उपाध्यक्ष तर्फ भिष्मप्रकाश खड्का, प्रलाद कार्की बिदुर, रोशन काफ्ले लगायत १२ जना सदस्य निर्वाचित भएका छन्।