काठमाडौं– दिनेश राउतको निर्देशन रहेको मल्टिस्टार फिल्म ‘पुजार सार्की’को ट्रेलर सार्वजनिक गरेको छ ।

बानेश्वरमा मंगलबार एक कार्यक्रमको आयोजना गरी सार्वजनिक गरिएको ट्रेलरमा नायक प्रदीप खड्कालाई विशेषस्थान दिइएको छ । फिल्ममा उनी मैतबहादुरको भूमिकामा छन् ।

करिब चार मिनेट लामो ट्रेलरमा छुवाछुतको मुद्दा उठाएको छ । साथै, छुवाछुतले पार्ने समाजिक र मानिस असरलाईसमेत चित्रण गरिएको छ ।

कार्यक्रम फिल्मका शीर्ष कलाकारहरु अभिनेता आर्यन सिग्देल, प्रदीप खड्का, अभिनेतृहरु अञ्जना बराइली र परीक्षा लिम्बूलगायत कालकारको उपस्थिति थियो । फिल्मका शीर्ष कलाकार पल शाह भने अनुपस्थित थिए ।

निर्माण पक्षले उनी अर्को फिल्मको छायांकनका लागि काठमाडौं बाहिर रहेकाले कार्यक्रममा अनुस्थित भएको जनाएको छ ।

जेठ १० बाट प्रदर्शनमा आउने यस फिल्म विकास सुबेदीले लेखेका हुन् । किङ्गडम नेटवर्कको ब्यानरमा बनेको यस फिल्मको निर्माता सुवास भुसाल हुन् ।

तस्बिर : चिरायु शाक्य 

ट्रेलर हेर्नुहाेस् :