काठमाडौं – अंग्रेजीमा समेत सार्वजनिक गरिने फिल्म ‘द म्यान फ्रम काठमाडौं’ को गीत सार्वजनिक भएको छ । उक्त गीतलाई युट्युबमार्फत सोमवार सार्वजनिक गरिएको हो ।

भिडियोमा कर्मा शाक्य र आना शर्माको केमेष्ट्रीलाई देखाइएको छ । लोक फ्लेभरमा तयार पारिएको यो गीतमा प्रेमका भावनालाई समेटिएको छ ।

गीतमा चन्दनध्वज केसीको आवाज छ भने राजन इशानले कम्पोज गरेका हुन् । यस्तै गीतमा संगीत, संयोजन र शब्द सुजेन्द्र डी कार्कीको छ र कोरियोग्राफी सविन शाक्यको रहेको छ ।

नकिम उदिन र पेमा ढोन्डुपले संयुक्त रुपमा लगानी गरेको यो फिल्मको निर्देशन पेमा दोण्डुपले नै गरेका हुन् ।

फिल्ममा आना र कर्माका अतिरिक्त गुल्सन ग्रोबर, हमित शैख, शिशिर वाङ्देल, आमिर गौतम, नीर शाह, विकास गुरुङ, कविता मानन्धर, मिथिला शर्मा, सुनिता ठाकुर, रेचल मोलेस लगायतका नेपाली तथा विदेशी कलाकारले अभिनय गरेका छन् ।

विदेशी कलाकारले समेत अभिनय गरेकाले फिल्मलाई प्रतीक्षित मानिएको छ ।

पेमा डी गक्इिलको कथा, संवाद तथा स्किृप्ट रहेको यो फिल्ममा जोश म्यानुएलको एक्सन छ । नेपाली डायलग अनुवाद सामीप्यराज तिमिल्सिनाले गरेको यो फिल्म चैत १ गतेबाट प्रदर्शन हुँदैछ ।

फिल्मको गीत: