काठमाडौं – इजरायलले गाजामा लगातार आक्रमण जारी राखेर मानवता विरोधी काम गरेको भन्दै टर्कीले सबै खाले कारोबार रोक्का गर्ने निर्णय गरेको छ।

टर्कीका व्यापार मन्त्रालयले इजरायलले गाजामा सहज मानवीय सहयोग उपलब्ध गराउने वातावरण निर्माण नगरेसम्म सबै कारोबार बन्द गर्ने निर्णय गरेका हुन्। यी दुई देश बिच गत वर्ष सात अर्ब अमेरिकी डलर कारोबार भएको थियो।

इजरायलका विदेश मन्त्रीले भने टर्कीका राष्ट्रपति रेइकेप तैयव एडोर्गानले तानासाहको व्यवहार गरेको आरोप लगाएका छन्। विदेश मन्त्रालयले आफ्ना उत्पादनको उपयोग हुने तथा बाह्य सामग्री भित्र्याउन उद्देश्ये तत्कालै अन्य विकल्प खोज्ने बताएका छन्।

सन् १९४९ मा इजरायलसँग कारोबार सुरु गर्ने टर्की पहिलो मुस्लिम बाहुल्यताको देश बनेको थियो। तर, पछिल्लो दशक यी देश बिचको सम्बन्ध खराब बन्दै गएको छ।

सन् २०१० मा १० जना प्रो प्यालीस्टाइनी टर्कीको इजरायली कमान्डरबाट ज्यान गएपछि कूटनीतिक सम्बन्ध भङ्ग भएको थियो। यी दुई बिच सन् २०१६ मा फेरि सोही सम्बन्ध स्थापना भएको थियो। दुई वर्षपछि टर्की र इजरायलको बिचमा फेरि खटपट सुरु भएको थियो।

गत वर्षको ७ अक्टोबरमा हमासले गरेको आक्रमणको प्रत्याक्रमणमा इजरायले हवाई आक्रमण सुरु गरेदेखि नै एडोर्गानले यसमा आपत्ति जनाउँदै आएका थिए।