काठमाडौं– नेपाल स्टक एक्जेञ्ज (नेप्से) पछिल्लो सातामा ३३।०३ अंकले बढेको छ । यो साता नेप्से ४ दिन मात्र कारोबार हुँदा ३ दिन बजार बढ्यो भने साताको अन्तिम दिन बिहीबार भने नेप्से घटेको छ । आज बजार घट्दा पनि साताको पुरै बजार हेर्ने हो भने नेप्से ३३ अंकले बढेको हो ।

गत साताको बुधबार १९६५.९३ बिन्दुमा रहेको नेप्से एक सातामा भएको ४ दिनको कारोबारले बढेर १९९८.९६ बिन्दुमा पुगेको छ । यो साता २ दिन २ अर्ब बढी र २ दिन ४ अर्ब बढीको कारोबार भयो ।

साताको पहिलो दिन आइतबार नेप्से १४.३३ अंकले बढेर बजार बन्द भएको थियो । आइतबार नेप्से ०.७२ प्रतिशतले बढेर १९८०.२७ बिन्दुमा कायम रह्यो । आईतबार २ अर्ब ६६ करोड ६ लाख ४६ हजार रुपैयाँ बराबरको ६५ लाख २९ हजार ८९५ कित्ता शेयर ४७ हजार ७१९ पटक किनबेच भयो ।

सोमबार टेक्निकल रुपमा नेप्से बढेको देखिएपनि उक्त दिन नेप्से ०.०७ अंकले मात्र बढ्यो । सोमबार १९८०.३४ बिन्दुमा बजार पुगेको थियो । सोमबार बजार बन्द हुँदासम्ममा २ अर्ब ९२ करोड ९४ लाख ७९ हजार रुपैयाँ बराबरको ६९ लाख ५४ हजार ५४९ कित्ता शेयर ४६ हजार ३७ पटक किनबेच भएको थियो ।

नेप्सेको वियर ट्रेन्ड तेस्रो दिन अर्थात् मंगलबार पनि कायम रह्यो । तेस्रो दिन त नेप्सेले मनोवैज्ञानीक रेखा समेत पार गर्यो । मंगलबार नेप्से २५ अंकले बढेर २००६.२८ बिन्दु कायम भयो । 

बजारमा निरन्तर सकारात्मक प्रभाव देखिन थालेपछि सोमबारको तुलनामा मंगलबार दोब्बर कारोबार भएको थियो । मंगलबार ४ अर्ब ७८ करोड ६९ लाख ७१ हजार रुपैयाँ बराबरको १ करोड १४ लाख १४ हजार ४९५ कित्ता शेयर ७४ हजार ७९४ पटक किनबेच भयो ।

बुधबार विश्व मजदुर दिवसको सन्दर्भमा सार्वजनिक विदा भएकाले नेप्सेमा कारोबार भएन ।

मंगलबारसम्म निरन्तर वियर ट्रेन्डमा रहेको नेप्से साताको अन्तिम दिन अर्थात् बिहीबार भने घट्न पुगेको छ । आज नेप्से ७.३१ अंकले घटेर बन्द भयो । साताको अन्तिम दिन नेप्से परिसूचक न्यूनतम १९९५.४९ बिन्दुमा र उच्चतम २०२६।६२ बिन्दुमा पुगेको थियो । तर, कारोबारको अन्तिम समयसम्म आइपुग्दा नेप्से ०.२६ प्रतिशतले घटेर १९९८.९६ बिन्दुमा कायम भयो । 

साताका अघिल्ला दिनहरुमा निरन्तर वृद्धिको प्रभाव स्वरुप बिहीबारको कारोबारमा उछाल आयो । बजारमा उछाल आउँदा बिहीबार ४ अर्ब ७ करोड ९७ लाख रुपैयाँ बराबरको ८६ लाख ४० हजार ६३६ कित्ता शेयर ६३ हजार ७३६ पटक किनबेच भएको छ ।