एजेन्सी : बलिउड अभिनेता सलमान खानको मुम्बईस्थित ग्यालेक्सी अपार्टमेन्टबाहिर गोली चलाएको आरोपमा हिरासतमा लिइएका एक युवकले बुधबार आत्महत्या गरेका छन् ।

गत १४ अप्रिलमा सलमानको घरबाहिर गोली चलाएको मामिलामा पक्राउ गरेर हिरासतमा लिइएका ती युवकले आत्महत्या गरेका हुन् ।

पुलिसको हिरासतमा रहेका बेला आत्यहत्या कोसिस गरेपछि गम्भीर भएका अनुज थापनलाई अस्पताल पुर्‍याएपछि चिकित्सकले मृत घोषित गरेका हुन् ।

गोली चलाएको घटनामा संलग्न ती युवकमाथि प्रहरीले अवैध हतियार उपलब्ध गराएको आरोप लगाएको थियो

प्रहरीका अनुसार अनुजले हिरासतमै आत्महत्या कोसिस गरेपछि अस्पतालमा भर्ना गरिएको थियो। तर उनको अस्पताल लगेको केही बेरमै ज्यान गएको हो ।

एक साता लामो अनुसन्धानपछि प्रहरीले उनीसहित दुईजनालाई पञ्जाबबाट पक्राउ गरेको थियो। यसमा ३७ वर्षीय सोनु सुभाष चन्द्र र ३२ वर्षीय अनुज थापन थिए ।

समाचार अनुसार अनुज लरेन्स बिश्नोई ग्याङको सम्पर्कमा थिए । उनी ट्रकमा सहायकका रुपमा काम गर्थे । मुम्बईको क्राइम ब्रान्चले सुरतको तापी नदीबाट एउटा पेस्तोल र केही गोली बरामद गरेको थियो ।

प्रहरीले सलमानको घरअगाडि १४ अप्रिलमा गोली चलाउन त्यही पेस्तोल प्रयोग भएकव जनाएको छ । प्रहरीका अनुसार यो हतियार अनुज र सुभाषले उपलब्ध गराएका थिए ।